“Eskola laiko baten alde. Erlijioa eskola-ordutegitik kanpo” izeneko dokumentua prestatu du EHIGEk Guraso Elkarte guztietara bidaltzeko. Erlijioaren irakaskuntzari buruzko hainbat datu ematen dira bertan.
Informazio gehiago ikusteko sakatu hemen
Aurten ere matrikulazio kanpaina egingo dugu Euskal Eskola Publikoko guraso diren pertsonaia famatuekin. Oraingoan Xabier Euzkitze telebistako aurkezlea eta Zarautzko Orokieta herri eskolako aita, eta Virginia Imaz pailazoa eta Antzuolako herri eskolako amaren laguntza izan dugu. “Nik, Euskal Eskola Publikoa” web gunean aurkituko duzue triptikoa. Hemen dituzue ere kartelak: MatrikulazioaXabier eta MatrikulazioaVirginia
Ikas-bi, Iparraldeko ikastetxe publiko elebidunetako guraso elkarteak, atzo Baionan eman zuen prentsaurrean parte hartu zuen EHIGE-k. Akademia Ikustaritza eta Euskararen Erakunde Publikoa kritikako zituen Ikas-bik, euren lana oztopatzen dutelakoan. Ondoko loturetan aurkituko duzue informazio gehiago: Argia, Kazeta, Berria,Gara.
Hezkuntza Sailak hurrengo ikasturterako egutegia argitaratu du:
-Izena emateko epea:* On line: 2012ko urtarrilaren 30etik otsailaren 9ra / * Ikastetxean: 2012ko urtarrilaren 30etik otsailaren 10a arte
-Eskaerak aurkezteko epea: 2012ko urtarrilaren 30etik otsailaren 10era. Aukeratutako lehengo ikastetxean baino ez dira entregatuko
-Eskatzaileen zerrenda argitaratzeko: 2012ko otsailaren 16a
-Behin-behineko zerrendak argitaratzeko: 2012ko martxoaren 9a
-Behin-behineko zerrendei erreklamazioak egiteko: 2012ko martxoaren 21a arte
-Eskabideari uko egiteko: 2012ko martxoaren 21a arte
-Behin betiko zerrendak argitaratzeko: 2012ko martxoaren 28a
-Zerrendak argitaratzeko (2. eta 3. aukerak): 2012ko martxoaren 30a
-Behin betiko zerrendei gora jotzeko errekurtsoak jartzeko: 2011ko apirilaren 30a arte
Zerrenda guzti hauek ikusgai egongo dira eskatutako lehenengo ikastetxean
Gaur izan da Euskal Eskola Publikoaren 21. jaiaren aurkezpena prentsaurrean, Donostiako Koldo Mitxelena Kulturunean. Bertan EHIGEk azaldu du kartela, irudia eta leloa: Bale! bizi garen seinale!. Jaia Zarautzen 2012ko ekainaren 10ean izango da.
Balea izango da gure Jaiaren irudia; baina ez edonolako balea. Balea euskalduna, bizkorra, alaia eta jai zalea izateaz gain, lagun asko eta ezberdinak izango ditu: balea urdina, balea grisa, balea groenlandiarra… Bata Itsas Baretik etorria, bestea Baltikotik, hurrena Afrika aldetik, beste bat Atlantiko erditik… Baina denek dute gustuko gure artean bizitzea, bakoitza bere nortasunarekin, bere berezitasunekin, baina elkarrekin. Gure ikasleak bezala, denak ezberdinak, bakoitza bere etxekoa, herrialde ezberdinekoa agian, baina denak batera, gustura. Aurtengo irudia, aniztasunaren aldeko apustua da.
Klikeatu hemen Jaiako kartela eskuratzeko
Klikeatu hemen Jaiako leloa eta logoaren azalpenak ezagutzeko
Urtarrilaren 23tik 30era Gipuzkoako bederatzi herrietan Guraso Elkarteekin Zonaldeko Bilerak egingo dira. Eguneko gaiak hauek dira:
Ikus noiz eta non egingo diren batzarrak
Urtarrilak 17 eta 18an, Laikotasun kolektiboa antolatuta, bi ekintza antolatu dira Donostian “Estatu Laikoa: eskubideak, aniztasuna eta osasun demokratikoa” gaiarekin. Urtarrilak 18ko ekintza, “Hezkuntza laiko eta plural baterako bidean” gaiari buruz mahai-ingurua antolatu da. Ekintza hauek Donostiako Emakumeen Etxean, Okendo kalean, izango dira.
Informazio gehiago eskuratzeko klikatu hemen.
WIFIrik gabeko eskolaren alde dauden kolektibo batzuek ‘escuela sin wifi’ webgunea martxan jarri dute. Ikastetxeetako ikasleek interneten modu seguru eta osasuntsuan murgildu daitezen nahi dute. Horretarako 2011-2012 ikasturtean eskoletatik wifi sistema kentzea eskatzen dute.
Era berean, Osasuneko Munduko Erakundeak mobilek ateratzen dituzten radiazioak (WIFIk eta bestelako teknologiek emititzen dituztenak) minbizia sortzeko gai den agente bezala sailkatu dituela adierazten dute .Webgunea ikusi
Ikastea izeneko hezkuntza atari berria jarri du martxan Eusko Jaurlaritzako Hezkuntza sailak. Hezkuntza-sistema osatzen duten eragile guztiei zuzendua dago atari berria: ikasleak, familiak, irakasleak eta ikastetxeak. Informazioa eta baliabide didaktikoak eskaintzen ditu.
Sei atal nagusi ditu atariak: informazioa eta zerbitzuak, araudia eta hezkuntza-dokumentuak, hezkuntza-zentroak, berrikuntza eta ikerketa, baliabide didaktikoak, eta azken berriak.
Ikastetxeetan berdinen arteko tratu txarra gertatzen danean jarduteko Gida berria eta Ciberbullying kasuetan ikastetxeetan jarduteko protokoloa argitaratu du Hezkuntza Sailak.
