BAIKARA Gipuzkoako Ikasleen Gurasoen Federazioa

Testuliburuen mailegu sisteman aldaketak

Baikara — Mon, 20 Feb 2012 14:46:08 +0000

2012-2013 ikasturterako Testuliburuen Kudeaketa Solidario egiteko Programaren hainbat aldaketa egongo dira. Hau dela eta Hezkuntza Sailak aldaketeekin ohar bat bidali du ikastetxeetara.

eskuratu Hezkuntza Sailak bidalitako oharra

Ikastetxe Publiko Integralak (IPI) arautzen duen agindua argitara eman dute

Baikara — Fri, 17 Feb 2012 15:30:27 +0000

EHAAn argitaratu da AGINDUA, 2012ko urtarrilaren 16koa, Hezkuntza, Unibertsitate eta Ikerketako sailburuarena, Euskal Autonomia Erkidegoko Ikastetxe Publiko Integralen (IPI) egitura eta antolaketa arautzen duena. Hurrengo estekan irakurri ahal duzue agindua.

Eskuratu IPIak arautzen duen agindua, 2012ko urtarrilaren 16koa.

2011ko Ebaluazio Diagnostikoaren emaitzak

Baikara — Fri, 17 Feb 2012 15:15:20 +0000

Irakas-Sistema Ebaluatu eta Ikertzeko Erakundeak (ISEI-IVEI) Lehen Hezkuntzako 4.mailako eta DBHko 2. mailako ikasleek 2011an egindako Evaluazio Diagnostikoaren emaitzari buruz bi laburpen exekutiboa argitaratu du.

Eskuratu laburpena

Eskuratu L.Hko 4. mailako ikasleen emaitzen txostena

Eskuratu DBHko 2. mailako ikasleen emaitzen txostena

2008-2010 Euskadiko Eskola Kontseiluaren txostena

Baikara — Wed, 08 Feb 2012 19:23:12 +0000

2008-2010 urteei dagokien EAEko hezkuntzaren egoerari buruzko txostena argitaratu du Euskadiko Eskola Kontseiluak. Lau atal ditu: plangintza, ebaluazioa, irakasleen prestakuntza eta ikastetxeetako berrikuntza, finantziazioa eta baliabideak. 0-2 urte bitarteko eskaintza publiko falta 12 udalerritan (Bizkaiko 10), euskara maila eskasa eta finantziaketa handitzeko beharra (EAEn BPGren %3,2 inbertitzen da eta Europan %7 bataz beste) azpimarratu ditu, besteak beste, hezkuntza-eragileek osatzen duten kontsultarako organo honek.

“BAIKARA” aldizkariaren zenbaki berria

Baikara — Sun, 29 Jan 2012 19:12:21 +0000

Bidali dugu jada ikastetxeetara “BAIKARA” aldizkariaren azken zenbakia, 2012ko urtarrilari dagokiona, hain zuzen ere.

Aldizkaria eskuratzeko sakatu hemen

Euskal Eskola publiko laiko baten alde: erlijioa eskola-ordutegitik kanpo

Baikara — Fri, 27 Jan 2012 22:10:47 +0000

“Eskola laiko baten alde. Erlijioa eskola-ordutegitik kanpo” izeneko dokumentua prestatu du EHIGEk Guraso Elkarte guztietara bidaltzeko. Erlijioaren irakaskuntzari buruzko hainbat datu ematen dira bertan.

Informazio gehiago ikusteko sakatu hemen

Nik, Euskal Eskola Publikoa

Baikara — Fri, 27 Jan 2012 21:49:33 +0000

Aurten ere matrikulazio kanpaina egingo dugu Euskal Eskola Publikoko guraso diren pertsonaia famatuekin. Oraingoan Xabier Euzkitze telebistako aurkezlea eta Zarautzko Orokieta herri eskolako aita, eta Virginia Imaz pailazoa eta Antzuolako herri eskolako amaren laguntza izan dugu. “Nik, Euskal Eskola Publikoa” web gunean aurkituko duzue triptikoa. Hemen dituzue ere kartelak: MatrikulazioaXabier eta MatrikulazioaVirginia

Iparraldean ere hezkuntza publikoan elebitasuna bultzatzen

Baikara — Fri, 27 Jan 2012 21:45:34 +0000

Ikas-bi, Iparraldeko ikastetxe publiko elebidunetako guraso elkarteak, atzo Baionan eman zuen prentsaurrean parte hartu zuen EHIGE-k. Akademia Ikustaritza eta Euskararen Erakunde Publikoa kritikako zituen Ikas-bik, euren lana oztopatzen dutelakoan. Ondoko loturetan aurkituko duzue informazio gehiago: Argia, Kazeta, Berria,Gara.

2012-2013 ikasturterako matrikulazio egutegia

Baikara — Fri, 20 Jan 2012 11:44:16 +0000

Hezkuntza Sailak hurrengo ikasturterako egutegia argitaratu du:

-Izena emateko epea:* On line: 2012ko urtarrilaren 30etik otsailaren 9ra / * Ikastetxean: 2012ko urtarrilaren 30etik otsailaren 10a arte

-Eskaerak aurkezteko epea: 2012ko urtarrilaren 30etik otsailaren 10era. Aukeratutako lehengo ikastetxean baino ez dira entregatuko
-Eskatzaileen zerrenda argitaratzeko: 2012ko otsailaren 16a
-Behin-behineko zerrendak argitaratzeko: 2012ko martxoaren 9a
-Behin-behineko zerrendei erreklamazioak egiteko: 2012ko martxoaren 21a arte
-Eskabideari uko egiteko: 2012ko martxoaren 21a arte
-Behin betiko zerrendak argitaratzeko: 2012ko martxoaren 28a
-Zerrendak argitaratzeko (2. eta 3. aukerak): 2012ko martxoaren 30a
-Behin betiko zerrendei gora jotzeko errekurtsoak jartzeko: 2011ko apirilaren 30a arte

Zerrenda guzti hauek ikusgai egongo dira eskatutako lehenengo ikastetxean

Eskuratu Hezkuntza, Unibertsitate eta Ikerketa Sailburuaren Agindua, 2012-2013 ikasturterako Haur Hezkuntza, Lehen eta Derrigorrezko Bigarren Hezkuntzako ikastetxe publikoetan eta itunpeko ikastetxe pribatuetan ikasleen onarpena arautuz. (EHAA 2012-01-18koa)

Euskal Eskola Publikoaren 21. Jaia Zarautzen izango da

Baikara — Fri, 13 Jan 2012 20:16:44 +0000

Gaur izan da Euskal Eskola Publikoaren 21. jaiaren aurkezpena prentsaurrean, Donostiako Koldo Mitxelena Kulturunean. Bertan EHIGEk azaldu du kartela, irudia eta leloa: Bale! bizi garen seinale!. Jaia Zarautzen 2012ko ekainaren 10ean izango da.

Balea izango da gure Jaiaren irudia; baina ez edonolako balea. Balea euskalduna, bizkorra, alaia eta jai zalea izateaz gain, lagun asko eta ezberdinak izango ditu: balea urdina, balea grisa, balea groenlandiarra… Bata Itsas Baretik etorria, bestea Baltikotik, hurrena Afrika aldetik, beste bat Atlantiko erditik… Baina denek dute gustuko gure artean bizitzea, bakoitza bere nortasunarekin, bere berezitasunekin, baina elkarrekin. Gure ikasleak bezala, denak ezberdinak, bakoitza bere etxekoa, herrialde ezberdinekoa agian, baina denak batera, gustura. Aurtengo irudia, aniztasunaren aldeko apustua da.

Klikeatu hemen Jaiako kartela eskuratzeko

Klikeatu hemen Jaiako leloa eta logoaren azalpenak ezagutzeko